Proper diet is not increasing trend among young skin damage is severe. Vitamins A in the diet help the skin's tissues for repair. Vitamin B increases blood circulation. Vitamins C and E sun protection from harmful effects.
Eat healthy and balanced diet; avoid excessive starch, sugar and fatty foods. An all fruit diet comprising three meals a day for a week, followed by raw foods and sprouts, three meals a day before resuming an all inclusive balanced meal can improve skin tremendously. A right amount of exercise such as walking; cycling or swimming can benefit any diet programme. A teaspoon of coriander juice mixed with a pinch of turmeric powder in an effective remedy to treat acne scars naturally. More detail read in bellow. Here is some beauty tips of acne in urdu.
Keel Muhase:
|
Pehle marhale mein baloghat ke aaghaz hi se yani larke, larkiyon mein 14 se le kar 20 saal tak ki umer mein keel muhase ka aaghaz hota hai, jab keh dusre marhale mein, 30 saal ki khawateen is ka shikar ho sakti hain. Is ki ahum wajah das saal baad khawateen mein hormone ki tabdili hai. Acne ko nazar andaz karne ke bajaye in ka ilaaj zaruri hai, jo kisi mahir-e-amraz jild hi se karwana chahiye aur totko waghairah se bachna chahiye. Mahireen kam se kam teen mah medicine istemaal karate hain jin se acne se mukammal nijat mil jati hai.
Jild ko Noqsan aur Fidah Puchane Wali Ghiza:
Na munasib ghiza aur nojawan larkiyon mein daiting ka barhta hua rujhan, jild ko sakht noqsan punchane ka bais banta hai. Khorak mein vitamin A, jild ke tissues ki marammat karta hai. Vitamin B, jild mein khoon ki gardish ka bahao behtar banata hai aur vitamin B3, rungut ki behtari ke liye zaruri hai. Biotin, zinc aur selenium ka durust istemal bhi chehre ki dil kasha aur ghane baalon ke liye nehayat ahum hai. vitamin C aur E, dhoop se hone wale muzir asrat se bachate hain aur jildi protein collagen aur Elastine ki moqdar mein izafah karte hain. Isi tarah kam chiknayi(fat) wala doodh, dahi sabziyan aur mosami phlon ka istemaal, khushk mewah jat (dry fruits) khane se bhi jild narm-o-molaim, shadab aur dil-kash hojati hai.
Sun Block ka Istemaal Jild ke Liye Mufeed Hai:
Sun block ka istemaal jild ki sehat ke liye nehayat mufeed hai behtar hoga keh ise zindagi ka lazmi hissah bana lia jaye aur koshish yahi honi chahiye keh sun block mahir amraz jild ka tajweez kardah ho. Sardiyon mein is ke elawa martoob aab-o-hawa wale elaqon mein jild isi tarah mutasir hoti hai, jaisa keh garmiyon mein shadeed dhoop se. Pahari aur khushk elaqon ke basiyon ko apni jild ka khas kheyal rakhna chahiye keh sardiyon mein un ki jild ziadah mutasir hoti hai. Mosam ke asrat ke elawah dusri ahum wajah yeh bhi hai keh is mosam mein pani kam pia jata hai, jab keh garam mashrubaat maslan tea, coffee ka istemaal ziadah hota hai. Yeh mashrubaat jism se pani ki moqdar kam kar dete hain, jis se jild khushk aur siyah parne lagti hai. Sardiyon mein agar mosami phalon, khas tor par kinu(orange), sangtarey aur strawberry ka istemaal barha dia jaye, to yeh jild ki sehat ke liye nihayat faidah mand hain, kiun keh yeh vitamin C aur pani ki bhari moqdar se labrez hote hain.
5, 6 Cream Mila kar Istemaal Karna Sehat key Liye Noqsan Dah Hai:
Aksar khawateen rung gora karne key liye 5,6 cream mila kar istemaal karti hain. Rung gora kerne ke liye ikhtiyar kia jane wala yeh tareeqah jis mein mercury ki ziadah moqdar hoti hai, jild ko patla kar deta hai, masamat ka khul jana, patli patli nason ka ubhar aana aur peep dar danon ka zahir hona, isi ke sabab hai. Yaad rakhein, ghair maiyari aur sasti creams ko mila kar istemaal karna, chehre ki sehat ke liye sakht noqsan dah hai. Is se bachna be had zaruri hai yeh agar aik bar chehre par daagh dhabbe par jayain to nishanat ka khatam hona mushkil hojata hai. Isi tarah nichli tah ka patla hona noqsan dah hai, kiun keh is se andaruni jildi protein tabah ho jate hain. Yaad rahe keh jild ki sehat-o-husn ke liye nichli jild ka mota ya sehat mand hona be had zaruri hai.
|
|
No comments:
Post a Comment